जालना: प्रतिनिधी,
जालना शहरात कोवीड१९या महामारीचा फैलाव रोखण्यासाठी नागरिकांनी घरात राहावे आणि सुरक्षित राहावे हा संदेश देण्यासाठी रविवारी (ता.१२) जुना जालना विभागात नगरसेवक आणि पोलिस प्रशासनाने संयुक्त मोटारसायकल रॅली काढण्यात आली.
जालना शहरात कोवीड१९या महामारीचा फैलाव वाढत आहे,हा फैलाव रोखण्यासाठी जिल्हाधिकारी रविंद्र बिनवडे यांनी सोमवारपासून जालना शहरात दहा दिवसाची जनसंचारबंदी लागू केली आहे.या जनसंचारबंदीच्या काळात नागरिकांनी घरात राहावे आणि सुरक्षित राहावे हा संदेश देण्यासाठी कदिम जालना पोलिस ठाण्याचे पोलिस निरीक्षक प्रशांत महाजन यांनी या संयुक्त मोटारसायकल रॅलीचे नियोजन केले होते.कदिम जालना पोलिस ठाण्यातून निघालेली ही रॅली संजयनगर,मिल्लतनगर, दुःखीनगर,मोरंडी मोहल्ला, कुरेशी मोहल्ला,जामा मशीद,माळीपुरा,कसबा, गांधी चमन,मस्तगड,मधुबन काॅलनी,इन्कमटॅक्स काॅलनी भागात जाऊन नूतन वसाहत येथे विसर्जित झाली.
या मोटारसायकल रॅलीत पोलिस निरीक्षक प्रशांत महाजन यांच्यासह नगरसेवक शाह आलमखान,अरुण मगरे, विनोद रत्नपारखे,ज्ञानेश्वर ढोबळे,विजय पवार,आमेर पाशा,महेश निकम, शशिकांत घुगे, यांच्यासह सामाजिक कार्यकर्ते वाजेदखान,संजय देठे,अमजदखान,सुनिल पवार,रवि जगदाळे, पोलिस कर्मचारी कैलास जावळे, सोमनाथ लहामगे, राणोजी पांढरे,संजय गवई,दीपक पवार, नंदकिशोर ढाकणे आदी सहभागी झाले होते.
